Fotografije s predaje ključeva
U školskoj blagovaonici PŠ Baška, u petak 15.1.2016. u 10,30 sati načelnik Općine Baška uručio je „ključ“ mladom meštru dječjih maškara Jadranku i njegovoj pratilji Lauri. Govor meštra Jadranka možete pročitati u cijelosti u nastavku.
Načelnik Toni Juranić je tom prilikom svim učenicima mlađih razreda koji putuju u Celje (Škola u prirodi od 18.1. do 22.1.2016.) poželio sretan put, a malim maškarama dobru zabavu.
Govor meštra Jadranka
Dragi načelniče Toni,
Zahvaljujem vam se na ukazanoj časti. Rado ću preuzeti ključ Općine Baška, a sada bih van rekal par besed po domaću da svi ljudi razume.
Ovo leto je kratak mesopust. Ovo leto, kako i pasano, mi dica ćemo zet vlast v ruke. Svi govore da na nami svit ostaje . Od naših starijih pobrat ćemo samo ono ča je dobro a ono ča su pokvarili mi ćemo popravit
Obećat ću van da veselja i bedastoć neće falit.
Sve ca ne vaja kod nas va Evropi i va svitu bit će kriv naš mesopust Zoki Mostić Karamarkić. Zadnjih misec dan stalno se slika po TV, vuče svih za nos i nikako da se odluči na čigovu bandu će stat. Kako će pasat to ćete mu vi dosudit na kraju mesopusta.
Da ne bude svako leto isto već smo prije dva miseca počeli sve prontivat za poć na Dječji riječki karneval –subotu 30.1.2016. Naše mame i učiteljica Sonja zašili su kostimi a kraljica Laura i ja bit ćemo va alegorijskon vozilu i mahat. Jedva čekan poć na Korzo. Isto tako su parićani nas svih skupa 78, jušto za dva autobusa. Va jurandvorskom domu imit ćemo 30.1.2016. maškaranu fešticu za onih ki neće poć v Riku na Korzo, a subotu zada toga 6.2.2016. svi skupa ćemo se nać maškarani va domu na prezentaciji slik od Riječkoga karnevala, a gosti će nan bit Mići tići ki su za ovu priliku snimili novu pjesmu.
Na mesupusni utorak 9.2.2016. pozivan vas svih, vele i male, da se maškarate i pridružite maškaranoj povorci va Baški sprid Forze na 3 ure popolne. Pasat ćemo po Baški i na kraju dokončat ovoga nesritnoga Zokija Mostića Karamarkića, pročitat mu testament, a načelniku vrnut ključ.